世界盃
【世界盃】英格蘭淘汰瑞典入4強 卜比Sir入場睇溫網
撰文: 威廉神
2018-07-08 01:36:00
最後更新日期:2018-07-08 02:00:51
英格蘭近12年來首次殺入世界盃8強又如何?捧過冠軍的名宿卜比查爾頓就非常識揀,周六(7月7日)選擇到倫敦觀賞溫布頓網球公開賽賽事,而非隔住個mon睇英格蘭對瑞典的8強直播。
英格蘭今屆在不被看好的情況下殺入4強。(路透社)

英格蘭歷來第一個、亦是目前為止的唯一一個世界盃冠軍,要數到1966年以東道主身份取得的勝利。自此之後,每逢大賽,當地傳媒總會以「66年來最強一代」、「黃金陣容」等字眼去形容代表隊大軍,卻每一次都落得慘淡收場。

不過,今屆由中堅出身、作風務實的修夫基領軍,陣中球星不多,未受過份吹捧,反而在較低壓力下踢出令人意想不到的成績,周六以2:0擊敗瑞典,晉身4強。

卜比Sir在太太陪同下入場欣賞網球比賽。(Getty Images)
卜比Sir無緣現場欣賞門將比克福特左飛右撲的英姿。(路透社)

身為66年冠軍功臣之一的卜比查爾頓爵士(Sir Bobby Charlton),這日出席的卻非任何與今場關鍵大戰有關的活動,而是剛好與今屆世界盃「 打對台 」的溫布頓網球公開賽賽事。

卜比Sir獲全場鼓掌歡迎。(Getty Images)
這日的溫布頓會場星光熠熠。(溫布頓官方Twitter截圖)

事實上,這日溫布頓賽會邀請了眾多嘉賓入場觀戰,中央場的貴賓席上除了卜比Sir伉儷,蛙王比迪、前七項全能女王恩妮絲及前重量級拳王希爾等多名體育界名人亦有亮相。

有星級打氣團支持,在中央場打頭陣的兩屆冠軍拿度以直落3盤擊敗澳洲小將迪文路亞,輕鬆打入16強。

若然英格蘭最終能夠躋身決賽,卜比Sir到底會睇一班後輩爭冠軍,抑或繼續睇溫網?

得到卜比Sir等名宿「加持」,拿度輕鬆贏波晉級。(路透社)
你可能感興趣